Mga banka na di motor an in distribuer sa mga para isda na naging banapesyaryo san SAAD o Special Area for Agricultural Development, na an Sta. Magdalena sayo na munisipyo na kaupod sine na program san DA o Dept. of Agriculture. An distribyusyon inhimo san Enero 22, 2019 sa Fish Landing Site sa Bgy. 3, sa 20 na resepyentes hale sa Bgy San Bartolome nan San Eugenio. Ini na SAAD sayo na programa na sa sulod san 3 kataon magkakamayon sine duro deritso na danon an DA para maka taas an lebel san pagbuhay sa paagi san agrikultura an pagbuhay san mag kawaraon na taga Sta. Magdalena. An nasabi na mga barangay mao an inuna dahilan san talagang imod na pagtios dine sa mga barangay na nasabi. Puera sini na mga banka mayon na sin mga nauna na danon sa mag iba man na resepyentes pareho san native na manok, mga pantanom man.